Liviya klubundan Zahaya 10 milyon dollarlıq təklif
Bizi izləyin

İdman

Liviya klubundan Zahaya 10 milyon dollarlıq təklif

Liviya klubundan Zahaya 10 milyon dollarlıq təklif

“Qalatasaray”dan ayrıldıqdan sonra klubsuz qalan Kot-d’İvuar millisinin sabiq futbolçusu Vilfrid Zahanın karyerasını Liviyada davam etdirə biləcəyi iddia olunur.

Publika.az Fransa mətbuatına istinadən xəbər verir ki, Liviyanın “Əl-Suveyhili” klubu 33 yaşlı cinah oyunçusunu heyətinə qatmaq istəyir.

Məlumata əsasən, Liviya təmsilçisi futbolçuya illik 10 milyon dollar məbləğində maaş təklif edib. Hələlik tərəflər arasında razılıq əldə olunduğu barədə rəsmi məlumat yoxdur.

Zaha 2023-cü ilin yayında böyük ümidlərlə “Qalatasaray”a transfer olunub. Lakin İstanbul klubunda gözlənilən nəticəni göstərə bilməyən futbolçu əvvəlcə Fransanın “Lion”, daha sonra isə ABŞ-nin “Şarlott” klubuna icarəyə verilib. Müqaviləsinin başa çatması ilə o, azad agentə çevrilib.

Kot-d’İvuar millisinin sabiq üzvü “Qalatasaray”ın heyətində bütün turnirlərdə 43 oyuna çıxıb, 10 qol vurub və 5 məhsuldar ötürmə edib.

Oxumağa davam et
Reklam
Reklam

Gündəm

Zəfaran Hospital
Səba