Qalmaqal: Argentina bir daha bu stadionda oynamayacaq

Argentina millisi artıq oyunlarını “River Pleyt”in stadionunda keçirməyəcək.

Publika.az xəbər verir ki, “La Nacion” qəzetinin məlumatına görə, Argentina Futbol Assosiasiyası (AFA) klub rəhbərliyi ilə münaqişə səbəbindən 80 mindən çox tamaşaçı tutumuna malik “Monumental”dan imtina etmək qərarına gəlib.

AFA prezidenti Klaudio Tapia ilə “River Pleyt” rəhbərliyi arasında münasibətlər bir neçə aydır ki, pisləşirdi. Sonuncu fikir ayrılığı Lionel Messinin 6 oktyabrda milli komanda ilə vida mərasimindən sonra yaranıb.

Tədbir təşkilati problemlərlə üzləşdi: stadionda musiqili tamaşalar üçün böyük ekran və səhnə yox idi. Təşkilatçı “Marketing Sports” klubu məhdudiyyətlərə, o cümlədən sənətçilərin çıxışları zamanı elektrik kəsintilərinə görə günahlandırdı.

“River Pleyt” iddiaları rədd edərək, ekranın sökülməsi barədə əvvəlcədən xəbərdarlıq edildiyini və təşkilatçıların tədbirdən bir gün əvvəl işgüzar görüş keçirdiyini bildirib.

“La Nacion” qəzetinin məlumatına görə, AFA klubla münasibətləri bərpa etməyin artıq mümkün olmadığını düşünür. Yenidən qurulmuş “Ciudad de La Plata” stadionu milli komanda üçün alternativ kimi nəzərdən keçirilir.