Dərd batmanla gəlir: Sevgilisindən də ayrıldı

“Real Madrid”in hücumçusu Vinisius Junior sevgilisi Virciniya Fonsekadan ayrılıb.

Publika.az xəbər verir ki, bu barədə EFE məlumat yayıb.

Fonsekanın nümayəndələri yerli mediaya bildiriblər ki, cütlük arasında “heç bir mübahisə və ya münaqişə” olmayıb – onlar sadəcə ayrılmaq qərarına gəliblər. Nə futbolçu, nə də keçmiş sevgilisi ayrılıq barədə açıqlama verməyib.

Şənbə günü Fonseka sosial mediada motivasiyaedici bir mesaj paylaşaraq, ağrısına, mənfi enerjisinə və qarşılıqlı əlaqənin olmamasına səbəb olan hər şeydən uzaq durmaq niyyətində olduğunu bildirib.

Vinisius və Fonsekanın münasibətləri ötən il başlayıb. Cütlük ilk dəfə may ayında ayrılıb, lakin DÇ-2026-dan sonra Aralıq dənizində yaxtada birlikdə görüntüləniblər. Bu, onların yenidən görüşməsini təsdiqləyib. Cəmi bir ay əvvəl onlar nişan üzüklərini dəyişdiriblər.

Ötən həftəsonu Vinisius “Vilyarreal”la oyunda meydandan qovulandan sonra diqqət mərkəzində oldu. Braziliyalı oyunçu rəqibinin saçını yoldu və bu, qırmızı vərəqə ilə cəzalandırıldı.

Publika.az