14 milyon – Cordanın həmin finaldakı forması rekord məbləğə satıldı
Bizi izləyin

İdman

14 milyon – Cordanın həmin finaldakı forması rekord məbləğə satıldı

14 milyon – Cordanın həmin finaldakı forması rekord məbləğə satıldı

Altıqat NBA çempionu, əfsanəvi Maykl Cordanın 1998-ci il NBA finalında geyindiyi forma hərracda rekord – 14 milyon dollara satılıb.

Publika.az xəbər verir ki, bu barədə ESPN məlumat yayıb.

Sözügedən forma NBA finalında “Yuta”ya qarşı ikinci oyundan (93-88) götürülüb.

“Çikaqo” 6 oyunun 4-də qalib gələrək NBA çempionu olub.

Bu, Cordana altıncı NBA titulunu qazandırdı, bundan sonra o, “Şöhrət Zalı”na daxil edildi. Bu hadisələr “Netflix” və ESPN tərəfindən 2020-ci ildə çəkilmiş “Sonuncu Rəqs” sənədli mini-serialında əks olunub.

Alıcı Mayami daşınmaz əmlak investoru Ron Firmandır. Qeyd etmək lazımdır ki, 14 milyon dollar basketbolda indiyə qədər ödənilən ən yüksək qiymətdir.

Eyni zamanda, bu satış idman malları üçün indiyə qədər ikinci ən yüksək qiymətdir. Rekord hələ də 1932-ci il Dünya Seriyasının 3-cü oyununda beysbolçu Beyb Rutun formasının 24,12 milyon dollara satılmasıdır.

Müəllif: Tural

Oxumağa davam et
Reklam
Reklam

Gündəm

Zəfaran Hospital
Səba