Ərəblər pulu kəsir: Turki xərçənglə mübarizə aparır, daha böyük döyüşlər olmayacaq

“GoldStar” promouteri və Tyson Fyurinin meneceri Spenser Braun Səudiyyə Ərəbistanı iş adamlarının boksa investisiya yatırımının azaldılması ehtimalından danışıb.

Publika.az xəbər verir ki, rəsmi şəxs bu mövzunu Ariel Helvani ilə müzakirə edib.

Braunun sözlərinə görə, Turki Əl-əş-Şeyx boksdan tamamilə ayrılmayacaq, amma mütləq “pul” döyüşlərinin sayını azaldacaq.

“Sərf edilən pul artıq orada olmayacaq. Tayson Fyuri və Entoni Coşua arasında döyüş bir müddət sonra görəcəyimiz son böyük döyüşlərdən biridir.

Düşünürəm ki, bundan sonra ildə bir və ya iki böyük döyüş olacaq, amma Turki tamamilə təqaüdə çıxmayacaq. Hər şey onun özünü necə hiss etməsindən və sağlamlığından asılı olacaq”, – deyə promouter bildirib.

Qeyd edək ki, Turki əl-əş-Şeyx 2015-ci ildən bəri müxtəlif xərçəng formaları ilə mübarizə aparır və 2026-cı ilin yayında iş adamına beyin xərçəngi diaqnozu qoyulub.

Həkimlər bir neçə il ərzində Turkinin yaddaşını itirə biləcəyini və müntəzəm kimyaterapiya aldığı üçün vəziyyətinin xeyli pisləşəcəyini proqnozlaşdırırlar.

Müəllif: Tural