“Real”ın Vinisiusla bağlı şikayəti rədd edildi

İspaniya Kral Futbol Federasiyasının (RFEF) İntizam Komitəsi hücumçu Vinisius Juniorun dörd oyunluq cəzasına qarşı “Real Madrid”in apellyasiyasını rədd edib.

Publika.az xəbər verir ki, bu barədə “Diario AS” məlumat yayıb.

Bu sanksiya braziliyalı futbolçunun 10 oktyabrda La Liqanın səkkizinci turunda “Vilyarreal”a qarşı (1-0) oyunda meydandan qovulmasından sonra tətbiq edilib. Vinisius 72-ci dəqiqədə topu ələ keçirmək istəyərkən rəqib yarımmüdafiəçi Natan Salibanın saçından tutduğuna görə meydandan qovulub.

İntizam komitəsi top uğrunda mübarizədən kənar zorakı davranışa görə iki oyunluq və hakimə etiraz etdiyinə görə əlavə iki oyunluq cəza tətbiq edib.

“Real Madrid” apelyasiya şikayəti verərək, Salibanın saçına toxunmanın təsadüfi olduğunu və təkrarların braziliyalı oyunçunun hərəkəti qəsdən etdiyinin sübut olunmadığını bildirib.

Vinisius La Liqanın dörd oyununu buraxacaq: “Sevilya”(18 oktyabr), “Barselona” (25 oktyabr), “Rasinq” (1 noyabr) və “Valensiya” (7 noyabr). Onun noyabr ayında milli fasilədən sonra İspaniya liqasına qayıdacağı gözlənilir.