Məşhur məşqçinin başı dərddə

“Krasnodar” baş məşqçi Murad Musayevi istefaya göndərə bilər.

Publika.az xəbər verir ki, bu barədə “Sila Sporta” məlumat yayıb.

Qeyd olunur ki, “Krasnodar” klubunun sahibi Sergey Qalitski hazırkı vəziyyətdən qəti şəkildə narazıdır.

“Krasnodar” rəhbərliyi mümkün məşqçi dəyişikliklərini nəzərdən keçirir. Baş məşqçi Murad Musayevin potensial istefası komandanın uzun sürən böhranından qaynaqlanır və bu böhran Rusiya Kubokunda “Fakel”ə evdə gözlənilməz məğlubiyyətlə nəticələndi – 0:2.

Həmin matçdakı nəticə və oyun keyfiyyəti “buğalar”ın sahibi Sergey Qalitskini son dərəcə məyus edib. Final fitindən dərhal sonra iş adamı “qara-yaşıllar”ın paltardəyişmə otağına girib və hazırkı vəziyyətdən qəti şəkildə narazı olduğunu bildirib”, – mənbə yazır.

“Krasnodar” beş oyundur ki, qələbə qazana bilmir. Rusiya Premyer Liqasında “Krılya Sovetov” (2-2), “Akron” (1-1) və “Orenburq” (0-0) ilə heç-heçə edib, daha sonra “Zenit”ə (2-3) məğlub olub. Çərşənbə axşamı, 13 oktyabrda “Krasnodar” FONBET Rusiya Kubokunun qrup mərhələsində evdə “Fakel”ə 0-2 hesabı ilə uduzaraq qələbəsiz seriyasını beş oyuna çatdırıb.