Fransada Messinin də imzaladığı əşyalar oğurlandı

Fransanın paytaxtı Parisdə keçirilən kütləvi nümayişlərin toqquşmalar, yanğınlar və talanlarla müşayiət olunduğu bildirilir.

Publika.az xəbər verir ki, daha əvvəl “Marsel”in mağazasının qarət edildiyi bildirilmişdi.

Talançılar argentinalı ulduzun imzası olan və çərçivədə nümayiş etdirilən Lionel Messinin “Barselona” formasının da oğurlayıblar.

Məlumata görə, Messinin imzası olan kapitan sarğısı da oğurlanıb. Hadisənin videoları sosial mediada paylaşılıb.

Lakin idman xatirə əşyalarının oğurlanması Parisdə baş verən hadisələrin yalnız bir epizodunu təşkil edir. 17 oktyabrda keçirilən nümayişlər yaşayış qiymətlərinin artmasına, inflyasiyaya və əhalinin alıcılıq qabiliyyətinin azalmasına qarşı təşkil olunmuşdu. Etiraz hərəkatına məktəblərdə müəllim çatışmazlığından, təhsil şəraitindən və sosial bərabərsizlikdən şikayət edən tələbələr də qoşuldu. Nümayişlər həmkarlar ittifaqları və solçu siyasi qüvvələr, o cümlədən Ümumi Əmək Konfederasiyası (ÜƏK) tərəfindən dəstəkləndi.

Bəzi etirazlar polislə toqquşmalara çevrilib və maskalı şəxslər mağazaları talan edib, dövlət və özəl mülklərə ziyan vurublar. Məhz bu iğtişaşlar fonunda Messinin imzası olan çərçivəyə salınmış suvenirlər kameraya düşüb.

Publika.az