Bu gün “Sabah” “Qarabağ”ı qəbul edəcək

Bu gün Azərbaycan Premyer Liqasında 9-cu tura yekun vurulacaq.

Publika.az xəbər verir ki, son gündə 2 oyun baş tutacaq.

Əvvəlcə “İmişli” “Şamaxı”nı qəbul edəcək. Yevlaxda keçiriləcək oyunun baş hakimi Rauf Cabbarov olacaq.

Turun mərkəzi oyununda isə “Sabah” “Qarabağ”la qarşılaşacaq. “Dalğa Arena”da keçiriləcək oyunu Rəşad Əhmədov idarə edəcək.

Daha öncə keçirilən oyunlarda “Araz-Naxçıvan” “Qəbələ”yə (1:2), “Şəfa” “Kəpəz”ə (1:2) məğlub olub, “Zirə” isə “Sumqayıt”a (3:2) qalib gəlib. “Neftçi” – “Turan Tovuz” matçında (1:1) qalib müəyyənləşməyib.

Azərbaycan Premyer Liqası
9-cu tur
25 oktyabr

“İmişli” – “Şamaxı”
Hakimlər: Rauf Cabbarov, Zeynal Zeynalov, Kərim Zeynalov, Ruslan Quliyev.
VAR: Əliyar Ağayev.
AVAR: Akif Əmirəli.
Hakim-inspektor: Anar Salmanov.
AFFA nümayəndəsi: Rüfət Əmirov.
Yevlax şəhər stadionu, 15:00.

“Sabah” – “Qarabağ”
Hakimlər: Rəşad Əhmədov, Elşad Abdullayev, Pərvin Talıbov, Emin Əliyev.
VAR: Kamranbəy Rəhimov.
AVAR: Teymur Teymurov.
Hakim-inspektor: Rəhim Həsənov.
AFFA nümayəndəsi: Erkin Hüseynov.
“Dalğa Arena”, 18:00