İdman

O sözlərinə görə üzr istədi: Səhv idi

25 Oktyabr 2026 21:45

“Atletiko”nun hücumçusu Xulian Alvares klubdan ayrılmaq istədiyi barədə açıqlamalarına görə azarkeşlərdən üzr istəyib.

Xatırladaq ki, argentinalı futbolçu Dünya Kuboku zamanı komandasını dəyişmək istədiyini açıqlamışdı. “Barselona” onu transfer etməyə çalışsa da, transfer baş tutmamışdı.

Publika.az xəbər verir ki, Alvares La Liqanın 10-cu turunda “Deportivo” ilə oyunda (1-0) qələbə qolunu vurduqdan sonra deyib:

“Əvvəla, Dünya Kuboku zamanı dediyim sözlərə görə azarkeşlərimizdən üzr istəyirəm. Bu sözləri necə dediyimi və nə vaxt dediyimi nəzərə alsaq, bu, səhv idi.

Onların qəzəbini başa düşürəm, onların yerinə olsaydım, mən də qəzəblənərdim, xüsusən də həmişə mənə nə qədər dəstək olduqlarını nəzərə alsaq. Son bir neçə həftə ərzində inanılmaz dərəcədə səxavətli olublar.

Daha yaxşı olmağa diqqət yetirməliyəm. Onlar bütün bu müddət ərzində məni dəstəklədilər və indi çox çalışmalıyam, çünki qarşıda bir çox vacib işimiz var”.