Taysondan Usikə: Başqa heç yerdə bu qədər pul qazana bilməzsən, yanıma gəl

Ağır çəkidə keçmiş dünya çempionu Tayson Fyuri (36-2-1, 25 nokaut) ağır çəkidə keçmiş şəksiz çempion Aleksandr Usik (25-0, 16 nokaut) ilə üçüncü döyüşü barədə fikirlərini bölüşüb.

Publika.az xəbər verir ki, Fyuri bu barədə İngiltərə mətbuatına danışıb:

“Usik başqa yerdə bu qədər pul qazana bilməyəcəyini bilir. Pul qazanmaq istəyirsinizsə, ağır çəkidə yanıma gəlməlisiniz.

Özümü boks tarixinin ən yaxşı ağır çəkili boksçusu hesab edirəm. Mənim kimi heç kim olmayıb.

Boyum 190 sm, çəkim 175 funtdur, amma orta çəkili boksçu kimi döyüşürəm və bütün 12 raund ərzində rinqdə rəqs edirəm. Səni həm sol, həm də sağ əllə nokaut edə bilərəm, ya da yüngül çəkidə boksçu kimi yumruqlar atıb rinqdə hərəkət edə bilərəm. Əvvəllər belə boksçu olmayıb.

Mənim 38 yaşım var və hələ də bütün tənqidçilərin yanıldığını sübut edirəm”, – deyə Fyuri bildirib.

39 yaşlı ukraynalı sonuncu dəfə bu ilin may ayında döyüşmüş və Riko Verhoeveni vaxtından əvvəl məğlub etmişdi. Daha sonra o, bütün ağır çəki titullarından imtina etmişdi.

Fyuri dekabrın 11-də Entoni Coşua ilə döyüşəcək.

Publika.az