Mbappe qalmaqalı: “Real” Çin xalqından rəsmən üzr istədi

"Real Madrid" Kilian Mbappenin şərhinə görə klub adından Çin xalqından rəsmi üzr istəyib.

Publika.az xəbər verir ki, bu barədə klubun mətbuat xidməti məlumat yayıb.

Fransız oyunçu əvvəllər Mao Tszedong haqqında zarafat etdiyinə görə mübahisələrə səbəb olmuşdu. Bu şərh Çin sosial mediasında qəzəbə səbəb olmuşdu və istifadəçilər Mbappeni ölkənin tarixinə hörmətsizlik etməkdə ittiham etmişdilər.

"Real Madrid” oyunçumuz Kilian Mbappenin son açıqlamalarından qaynaqlanan hər hansı bir narahatlığa görə Çin xalqından üzr istəyir. Klubumuz Çinə, onun tarixinə, mədəniyyətinə və vətəndaşlarına, eləcə də “Real”a sevgi və heyranlıq hiss edən milyonlarla Çin azarkeşinə dərin hörmət bəsləyir.

Klub, Kilian Mbappenin açıq üzr istəməsinə qoşulur. Mbappenin sözlərinə görə peşman olduğunu və Çin xalqına hörmətini bir daha təsdiqlədiyini bildirib. "Real Madrid hörmət, birgəyaşayış və mədəniyyətlər arasında anlaşma dəyərlərinə sadiqliyini bir daha təsdiqləyir və onu Çin və vətəndaşları ilə bağlayan dostluq və məhəbbət bağlarını daha da gücləndirmək istəyir".

Publika.az