Taysonun atası Coşua ilə döyüş haqda - Oğlum ölümünə qədər vuruşacaq...

Ağır çəkidə keçmiş dünya çempionu Tayson Fyurinin (36-2-1, 25 nokaut) atası Con Fyuri oğlunun Entoni Coşuaya (30-4, 27 nokaut) qarşı ı döyüşdə əlindən gələni edəcəyini bildirib.

Publika.az xəbər verir ki, o, qarşıdan gələn döyüş barədə Ceymi Vardinin “Having A Party” verilişinə verdiyi müsahibədə danışıb.

“İki kişi üz-üzə gəlir. Hər ikisi ikiqat dünya çempionudur. Hər ikisi əsl döyüşçüdür. Onların heç biri məğlub olmaq istəmir. Bu, hər iki oğlan üçün əksər insanların düşündüyündən daha çox şey deməkdir. Bilirəm ki, Tayson bütün bacarığı ilə döyüşəcək. O, 11 dekabrda ölümünə qədər döyüşəcək. Əgər Coşua Taysonu öldürməyə hazır deyilsə, Tayson ayağa qalxmağa və yumruqlar atmağa davam edəcək”, – deyə ata Fyuri bildirib.

“Qaraçı Kralı”nın atası, oğlunun ayağı mişarla kəsilsəydi belə, yenə də döyüşə davam edəcəyini bildirib.

“Onlar azadlıqları, ailələri, sahib olduqları hər şey uğrunda mübarizə aparırlar. Amma mən həmişə demişəm: qladiator qladiatordur. Onlar ailə həyatı üçün uyğun deyillər”, – Con Fyuri əlavə edib.