“Şəfa” “Araz-Naxçıvan”a, “Zirə” “Qəbələ”yə qarşı

Azərbaycan Premyer Liqasında 11-ci turun oyunları keçirilir.

Publika.az xəbər verir ki, bu gün 2 oyun baş tutacaq.

“Şəfa” “Araz-Naxçıvan”ı qəbul edəcək. Sumqayıtda keçiriləcək bu qarşılaşmanı Əliyar Ağayev idarə edəcək.

Günün digər oyunu “Zirə” ilə “Qəbələ” arasında baş tutacaq. Zirədə keçiriləcək oyunun baş hakimi İnqilab Məmmədov olacaq.

Daha öncə “Neftçi” “Kəpəz”ə evdə, “Turan Tovuz” “Qarabağ”a səfərdə 1:0 hesabıyla qalib gəlib. “İmişli” – “Sumqayıt” və “Sabah” – “Şamaxı” oyunları sabah keçiriləcək.

Azərbaycan Premyer Liqası
11-ci tur
7 noyabr

“Şəfa” – “Araz-Naxçıvan”
Hakimlər: Əliyar Ağayev, Zeynal Zeynalov, Kərim Zeynalov, Elçin Məsiyev
VAR: Emin Əliyev
AVAR: Elşad Abdullayev
Hakim-inspektor: Anar Salmanov
AFFA nümayəndəsi: Zaur Hacı-Məhərrəmov
“SOCAR Polymer Arena”, 16:00.

“Zirə” – “Qəbələ”
Hakimlər: İnqilab Məmmədov, Rahil Ramazanov, Gülnurə Əkbərzadə, Rauf Cabarov
VAR: Kamranbəy Rəhimov
AVAR: Şirmamed Mamedov
Hakim-inspektor: Ömər Paşayev
AFFA nümayəndəsi: Seymur Səlimli
Zirə İdman Kompleksinin stadionu, 18:30.