“Qalatasaray”ın Batrakovla bağlı hədəfi bəlli oldu

Türkiyəli jurnalist Əli Kuçuk “Qalatasaray”ın yarımmüdafiəçisi Aleksey Batrakov üçün yeni transfer bəndi ilə bağlı danışıqların başlandığını elan edib.

Publika.az xəbər verir ki, jurnalist Türkiyə komandasının hədəfini 70 milyon avroluq transfer bəndi olduğunu bildirib.

Kuçuk “343 Digital YouTube” kanalında yayımlanan videoda deyib: “Hələ rəsmi olaraq açıqlanmayıb, amma “Qalatasaray” Batrakovun sərbəst qalma məbləğini artırmaq istəyir. Danışıqlar artıq başlayıb. Onun Türkiyə klubuna transferi ilə bağlı danışıqlar zamanı oyunçunun tərəfi əvvəlcə 45 milyon avroluq sərbəst qalma məbləği tələb edib. Danışıqlar nəticəsində “Qalatasaray” bu rəqəmi 55 milyon avroya qaldıra bilib. “Qalatasaray”ın hazırkı məqsədi sərbəst qalma məbləğini 70 milyon avroya çatdırmaqdır. Onlar həmçinin Batrakovun illik maaşını bir qədər artırmağı planlaşdırırlar” .

Batrakov “Qalatasaray”a 2026-cı ilin yayında qoşulub. Bu mövsüm futbolçu Türkiyə klubunun heyətində bütün yarışlarda 13 oyunda meydana çıxıb, 6 qol vurub və 3 məhsuldar ötürmə edib.

Publika.az