Ekopublika.az
Bank olmayan kredit təşkilatlarının işi çətinləşir
Bankların ardınca bank olmayan kredit təşkilatları (BOKT) güzəştli kreditlər üçün Azərbaycan Mərkəzi Bankına (AMB) müraciət edib.
Ölkənin maliyyə bazarındakı mənbədən Trend-ə bildirilib ki, AMB-nin kreditlər üzrə faiz dərəcələrinin yuxarı həddinin təyin edilməsi ilə bağlı tövsiyəsindən sonra BOKT-larda ucuz resurslara kəskin ehtiyac yaranıb.
Mənbə qeyd edib ki, Azərbaycanda AMB tərəfindən BOKT-ların birbaşa kreditləşdirmə təcrübəsi yoxdur: “Bu səbəbdən bank olmayan kredit təşkilatları illik 3 faizlik ucuz vəsait ayrılması üçün Mərkəzi Banka müraciət edib. Hazırda BOKT-un əsas maliyyə mənbələri yerli və xarici investorlar, məsələn, banklardır. Bu kreditlər təşkilatlara baha başa gəlir, çünki bankların kreditləşmə mənbələrindən biri əhalinin əmanətləridir. Əgər bank illik 10 faizlə əmanət cəlb edirsə, müvafiq olaraq, BOKT-a öz resurslarını daha yüksək faiz dərəcəsi ilə satacaq. Məhz bu səbəbdən maliyyə nöqteyi-nəzərindən AMB-nin tövsiyələri bank olmayan kredit təşkilatlarının işini çətinləşdirir”.
Mənbə hesab edir ki, ümumilikdə kredit dərəcələrinin məhdudlaşdırılması nəticədə bəzi BOKT-ların bağlanmasına gətirib çıxaracaq: “Bu da öz növbəsində sələmçiliyə tələbi artıracaq”.
O, qeyd edib ki, bu məhdudiyyətlərin banklara təsiri elə də əhəmiyyətli deyil, çünki BOKT-lara nisbətən onların gəlir mənbəyi çoxdur: “Bank olmayan kredit təşkilatları əhalinin əmanətlərini cəlb edə bilməz, onların kart buraxılışı, pul köçürmələrini həyata keçirmək və başqa bu kimi icazələri yoxdur. BOKT faktiki olaraq kredit məhsullarından gəlir əldə edir, konsaltinq kimi, digər xidmətlərin onların portfelindəki payı çox cüzidir”.
-
Səhiyyə04:14
Son günlər azyaşlılar arasında yayılan yeni VİRUS NƏDİR? - VİDEO
-
İdman03:43
“Bayer Leverkuzen” 59 ilik rekordu TƏKRARLADI
-
Magazin101:41
Hüsniyə Məhərrəmli: "Atam, mən Masazırdan təzə çıxmışam" - VİDEO
-
Hadisə00:45
Bakıda DƏHŞƏT: toydan sonra iki nəfər faciəvi şəkildə ÖLDÜ - VİDEO
-
Qoroskop00:15
Günün ULDUZ FALI: romantik qarşılaşma ola bilər
-
Magazin15 May 23:48
Xalq artisti: “Mənə səhnənin canavarı deyirlər”
-
Sosial5 May 23:12
Yol polisindən gələn zəng onları dəhşətə gətirdi: "Maşın vurub öldürdü" - VİDEO
-
Sosial5 May 22:25
Xaçmazda 17 yaşlı qız 37 yaşlı kişi ilə nişanlanıb? - DİN-dən AÇIQLAMA