Ekopublika.az

Mərkəzi Bankdan məzənnə açıqlaması

12 Avqust 2016 18:45

Cari ilin I yarısında manatın məzənnəsinin dinamikasında bir neçə möhkəmlənmə və ucuzlaşma dalğası müşahidə edilib.

Publika.az Mərkəzi Banka istinadən xəbər verir ki, ilin əvvəlində ABŞ dollarının manata qarşı məzənnəsi 1.5610 AZN səviyyəsində idisə, 11.03.16 tarixində özünün dövr üzrə maksimum həddinə - 1.6456 AZN-ə qalxıb. 25.05.16 tarixində isə minimum həddinə - 1.4900 AZN-ə enib.

Hesabat dövrünün sonuna ilin əvvəli ilə müqayisədə manata nəzərən ABŞ dolları 1.3% ucuzlaşıb. Avro isə 0.3% bahalaşıb. Dövr ərzində ikitərəfli məzənnələrin dinamikası çoxtərəfli məzənnənin dinamikasına da təsir göstərib. I yarımil ərzində qeyri-neft sektoru üzrə real effektiv məzənnə 17.2% ucuzlaşıb.

Ucuzlaşma əsasən NEM-in 20.3% ucuzlaşması hesabına baş verib. NEM-in ucuzlaşma meyli idxalın əvəzlənməsinə və ixracın stimullaşdırılmasına dəstək verən amil olub.

İqtisadiyyat şöbəsi