Teleaparıcı ölümdən döndü - FOTOLAR

Teleaparıcı Zemfira Adıgözəlova qəza törədib. Publika.az xəbər verir ki, Heydər Əliyev prospektində qeydə alınan hadisədə aparıcıya məxsus avtomobil qarşıdan gələn maşınla toqquşub. Hadisə şahidlərinin sözlərinə görə, qəza Z.Adıgözəlovanın idarəetməni itirməsi nəticəsində baş verib.

Məsələ ilə əlaqədar Publika.az Zemfira Adıgözəlova ilə əlaqə saxlayıb. Həyəcan içində olan aparıcı danışmaq istəməsə də, bəzi nüansları aydınlaşdırıb:

“Çox pis haldayam. Bərk qorxmuşam. Bu haqda danışmağa halım yoxdur. Bircə onu bilirəm ki, əyləci nə qədər sıxsam da, maşın dayanmadı. Nəticədə hadisə baş verdi. Maşınımın qabağı və yan tərəfi təmamilə yox vəziyyətindədir”.

O, həmçinin hadisə yerində Manaf Ağayev ilə görüşdüyünü də bildirib.

“Həmin yoldan Manaf Ağayev də keçirdi. Saxlayıb mənə yaxınlaşdı. Çox sağ olsun, kömək etməyə çalışdı. Bildirdim ki, artıq ailəmin xəbəri var. İndi harda olsa gələcəklər”.

Zemfira xanım həmçinin avtomobilinin sığortalı olduğunu da vurğulayıb:

“Hadisə yerinə dərhal polis və sığorta şirkəti gəldi. Prospekt bir anın içində “dondu”. Avtomobilimi evakuatora qoyub apardılar”.

Publika.az-a danışan məşhur teleaparıcı özünə heç nə olmadığına görə Allaha şükür etdiyini də bildirib.

İsa Şükürov