Magazin1

Elgiz Əkbər: “Depressiyadan saçlarım töküldü, keçəlləşdim”

14 Oktyabr 2015 18:15

Sosial şəbəkədə ünvanına yazılanlar telejurnalist Elgiz Əkbəri depressiyaya salır.

Publika.az xəbər verir ki, o, bu barədə ANS telekanalında danışıb: “İnsanlar mənim sosial şəbəkədəki hesabıma öz problemlərini yazırlar. “Gəlin kömək edin, pis vəziyyətdəyəm” deyə yazılanlar mənə pis təsir edir. Axı hər kəsə kömək etmək mənim üzərimə düşən iş deyil”.

Elgiz depressiyanın onun həyatındakı ağır nəticələrdən də danışıb:

“İki ay çox ağır depressiya keçirmişəm. Hətta keçirdiyim depressiyadan saçlarım töküldü. Keçəlləşdim. Saç ustam məni görəndə təəccübləndi. Çox gur və qalın saçlarım var idi. Elə bir vəziyyətdə idim ki, öləcəyimi düşünürdüm. Otağımdan bayıra çıxmaq istəmirdim. Bunu danışıram ki, insanlar depressiyanın necə ağır bir şey olduğunu bilsinlər”.

İsa Şükürov