Magazin1

Türkiyədən gələn bəstəkarımıza Azərbaycanda SƏRT QADAĞA

29 Avqust 2016 15:15

Türkiyədə yaşayan və fəaliyyət göstərən tanınmış bəstəkar, əməkdar incəsənət xadimi Cavanşir Quliyev qarşılaşdığı haqsızdıqdan gileylənib.

Publika.az-a açıqlama verən bəstəkar Azərbaycanda bir neçə telekanalın, o cümlədən İctimai Televiziyanın ona qadağa qoyduğunu deyib:

“Mən Tükiyədə yaşasam da, yay və qış fəslinin bir neçə ayını Bakıda keçirirəm. Amma Azərbaycanda məni telekanallara yaxın buraxmırlar. Keçən il İctimai Televiziyanın rəhbəri Cəmil Quliyevin yanına getdim, ona dedim ki, məni niyə efirə yaxın buraxmırsınız. Bəlkə mənə qadağa qoyublar, xəbərim yoxdur? Dedi ki, yox, belə bir qadağa yoxdur. Üstəlik bildirdi ki, sən bizim hörmətli bəstəkarımızsan, qapımız üzünə həmişə açıqdır. Amma üstündən bir il keçib, hələ də o televiziya məni efirə dəvət etməyib. Mən anlamıram, hansı günahın sahibiyəm?”