Gülbahar Şükürlünün SON DURUMU: “2 gün ərzində...” - VİDEO

Video əlavə olunub.

xxx

Əməkdar artist, tanınmış qarmon ifaçısı Gülbahar Şükürlünün vəziyyəti ağırlaşıb.

Publika.az xəbər verir ki, bu barədə bir neçə gün bundan əvvəl başında onkoloji şiş tapılan sənətçinin ailə yaxını məlumat verib. O bildirib ki, musiqiçinin vəziyyəti getdikcə ağırlaşmağa doğru gedir.

“Vəziyyəti qənaətbəxş deyil, ayağa duranda başı hərlənir, danışmaqda da çətinlik çəkir, nitqində problemlər özünü göstərməyə başlayıb. 2 günə ailəsi qərar verəcək. Əslində ailəsi əməliyyat etdirmək istəyir, özü isə razı olmur.

Hər hansı qurumdan onun səhhəti ilə maraqlanan olmayıb. Özünün maddi durumu yaxşı deyil. Necə yaxşı ola bilər? Pandemiyadan öncə də Gülbahar xanım həyat yoldaşının vəfatı ilə əlaqədar toylara getmirdi. Sonra da pandemiya yayıldı və ölkədə toyların keçirilməsinə qadağa qoyuldu” , - musiqiçinin ailəsinə yaxın mənbə bildirib.

Qeyd edək ki, sənətçi sonuncu dəfə instaqramda avqustun 27-də paylaşım edib. Mərhum həyat yoldaşı ilə fotosunu paylaşan sənətçi “İlk və son sevgim” sözlərini qeyd edib.

Aytən Məftun