Magazin1

Sonaxanımın keçmiş əri ilə bağlı açıqlaması Anar Vəziroğlunu özündən çıxardı - VİDEO

30 Mart 2023 16:22

Aktrisa Sonaxanım Əliyevanın "Qeyri rəsmi münasibətdə yaşamışam" açıqlaması şair Anar Vəziroğlunu özündən çıxarıb.

Publika.az bizim media-ya istinadən xəbər verir ki, tərəflər ekspert qismində iştirak etdiyi "Təsir dairəsi" ictimai-sosial proqramda mübahisə ediblər.

Şair aktrisanın iddialı açıqlamasını doğru hesab etməyib və onu tənqid edib.

S.Əliyeva isə A.Vəziroğlunun tənqidinə "Həyat yoldaşım şəhid olmayıb ki... Rusların bir sözü var "обет безбрачия" (cinsi əlaqədən imtina). Xəyanətlər fərqli-fərqli olur. O insan mənə elə bir xəyanət edib ki... Bəli, ayrılmışam! Sonra da necə istəmişəm, elə də yaşamışam, yaxşı da eləmişəm" cavabını verib.

Aktrisanın bu fikirlərindən sonra aparıcı şairə "Sonaxanımın cavabı sizi qanə etdi?" sualına A.Vəziroğlu "Mənə aid deyil, millətə deyir" qısa cavab verib.

Qeyd edək ki, S.Əliyeva müsahibələrin birində "Həyat yoldaşım mənə qardaşımın baldızı ilə xəyanət edib" açıqlaması ilə gündəmə səs salmışdı.