Moşu Sedanın sinəsindən açarı niyə götürməyib? - Cavab VİDEODA

12:26

Gözəl aktyorlarla birlikdə "Bəxt üzüyü"nün teatrda tamaşasını oynamışam. Film çəkiləndə Ramiz (red.rejissor) çox qəşəng bir ansambl düzəltmişdi, uğurlu və baxımlı bir film oldu, eyni zamanda tamaşamız. Teatrda da bütün aktyorlar çox gözəl oynayırdı. Amma tamaşanı filmə köçürmək kino yaradıcılığından bir az uzaqdır. Tamaşa artıq gedirdi, görünmüşdü, Afaq xanımla məni qəbul etmişdilər.

Publika.az xəbər verir ki, bu sözləri "Bəxt üzüyü" filmində Şair Moşu rolunu canlandıran aktyor, Xalq artisti Valeh Kərimov ATV kanalının səhər proqramına müsahibəsində deyib. Ekran işi barədə xatirələrini bölüşən V. Kərimov öz rollarını izləməyi sevmədiyini etiraf edib. O, həm də mərhum Firəngiz Rəhimbəyova ilə ekran işindəki səhnəsindən danışıb.

"Güzgüyə başımı daramaqdan başqa vaxt da baxmıram. Başqasını izləyirəm. Oynadığım roldan yenidən izləyib ləzzət ala bilmərəm. Hamı məndən soruşur ki, o açarı niyə götürmədim? Yaxınlaşır, deyirəm, bilirəm sualını. Orada söyüş yoxdur, müəllifdən gələn yumorlu sözlərdir".