Elnarədən mesaj: Mənim etdiyimi heç kəs edə bilməz - VİDEO

"İnsanlarda yanlış təəssürat yaranmasın, tamaşaçılarım bilsinlər və əmin olsunlar ki, mənimlə yaşıd olan digər həmkarlarım kimi, yalnız kütləvi və pop musiqisi ilə məşğul olmadım. Və yalnız bu istiqamətdə işlər aparmadım. Özümü bir musiqiçi kimi hər zaman püxtələşdirdim, inkişaf etdirdim və musiqinin cazz, bluz, xipxop, pop, rok, folk, muğam və digər janrları ilə peşəkar şəkildə məşğul oldum, zaman-zaman da gördüyüm işləri sərgiləmişəm. Biləsiz aaa, əgər pop musiqisi ifa etməmişəmsə, bu, o demək deyil ki, sənətdən uzaqlaşmışam, başım ailəmə qarışıb".

Publika.az xəbər verir ki, bu sözləri müğənni Elnarə Xəlilova ötən gün qonaq olduğu "Dikdaban" verilişində deyib. Sənətçi bildirib ki, həm ailə həyatını, həm də karyerasını eyni zamanda uğurla davam etdirib.

"Onu da eləmişəm, onunla paralel bunu da etmişəm. Çünki bu, həqiqətdir. Statistik məlumat toplamaq istəyirsinizsə, sadəcə son 5 ildə yutub kanalıma baxın, orda ayda bir məhsul var. Və bu məhsuldarlığı bu gün, 2023-cü ildə özümdəm başqa yaşıdlarım olan digər həmkarlarımda görmürəm. İnanmıram ki, bundan sonra da görə bilim. Bunu etmək üçün vaxt lazımdır, maddi və mənəvi təminat lazımdır, istək, stimul, enerji, zəhmət, əmək də həmçinin. Bütün bunların hamısı şərtdir. İstəmirəm tamaşaçılarım elə bilsin ki, tənbələm. dünyaya övlad gətirib sonra başımı balışa atıb yatmışam və sənətdən aralanmışam. İstəmirəm, xahiş edirəm ki, sizdə belə bir təəssürat olmasın, qətiyyən. Heç vaxt səhnəni tərk etməmişəm. Hər zaman peşəkar musiqi ilə məşğul olmuşam və məhz onların nəticəsidir ki, bu gün mən pedaqoqam. İki ali təhsilim var, həm bakalavr, həm magistr dərəcəm var, iki qırmızı diplomum var, üçüncü diplomum isə Azərbaycan Milli Konservatoriyasındandır. Bu gün mən cazzdan, muğamdan, rokdan, popdan dərs deyə bilirəm.