İsa Şükürovdan Elnarəyə etiraz: "Bu sözü necə demək olar?"

Kanal S-də yayımlanan "Xəbərin var?” verilişinin aparıcısı jurnalist İsa Şükürov Elnarə Abdullayevanın "Bütün Azərbaycan kişiləri qeyrətlidir, ortalığı qarışdıran qadınlardır” fikrinə münasibət bildirib.

Publika.az xəbər verir ki, jurnalist, əməkdar artistin Azərbaycan qadınını alçaltdığını bildirib:

"Mən Elnarə xanımın bu fikri ilə heç cür razı deyiləm. Heç o özü, göstərici vahidi deyil. Bu sözü necə demək olar? Çox qıcıqlandırıcı fikirlərdir. Əgər sizə bir kişi söz atmayıbsa, bu o deməkdir ki, başqa qadınları incidən olmayıb? Axı siz göstərici ola bilməzsiniz. Əgər bir qadın bir kişi tərəfindən narahat edilirsə, demək günah qadındadır? Meşə çaqqalsız olmaz. Kamera qarşısında barmağınızı silkələyərək bunu demək nə qədər düzgündür?”

Verilişdə qonaq olan digər jurnalist Zəminə Rüstəmova da fikirlərini bölüşüb:

"Böyük müharibələrin də kökünə baxsaq orada qadın adı çəkilir. Hər bir kişinin evində qadın var. Bu sözü bütün kişilərə və ya bütün qadınlara aid etmək olmaz. Elnarə xanım istəyib Azərbaycan kişisinə jest etsin yəqin ki. Bu fikir də belə anlaşılıb. Mən də bir qadınam və bu fikirlə razı deyiləm. Qurunun oduna yaşı yandırmayın”.(AZXEBER.COM)