Qalmaqal böyüyür: Günel Nəfəsi RÜSVAY ETDİ

Öz adı "Günel" ola-ola başqa ləqəblə çıxan bu xanım (Nəfəsi nəzərdə tutur - red), niyə öz adınla səhnəyə çıxmadın? Mən heç kimin qəlbini qırmaq, xətrinə dəymək istəmirəm. Çünki mən 2003-cü ildən peşəkar səhnədəyəm və əlimdən gəldiyi qədər çalışaram ki, gənclərə dəstək olum. Amma onlar da öz həddini və yerini biləcək.

Publika.az "Bakıvaxtı.az"a istinadən xəbər verir ki, bu sözləri müğənni Günel Ələkbərova "Xəbərin var?" verilişində deyib.

Günel onu tanımadığını və heç vaxt gündəmdə olmadığıı deyən Nəfəsi rüsvay edib:

"Mənim də zamanında sevib səhnəyə gəldiyim müğənnilər var ki, bugünkü gündə onlara hörmətlə yanaşıram. Amma çıxıb onlara dil uzatmıram. Demək istəyirəm ki, zamanında məni məclislərinə çağıran insanlar, söhbət elə Nəfəsdən gedir, sonra da baxıblar ki, yox, bu biz deyən Günel - yəni mən deyiləm. Çünki insanlar səhnədə məni gözləyirmişlər, amma elə zənn ediblər ki, Nəfəs Güneldir. Onu səhnədən aşağı düşürüblər. Yəni, sən bunu özün efirdə danışıb etiraf edirsən ki, Günelin də o zamanlar efirləri partladan vaxtı vardı, indi sən birdən-birə necə deyə bilərsən ki, Günel heç zaman gündəmdə olmayıb? Bu, başdan böyük danışmaqdır".

Hirsi soymayan müğənni deyib ki, mən bunları qınamıram: "Bunlar Aqşin Fateh, Nurlan Təhməzli kimi müğənnilərin sayəsində tanınırlar və sonradan "şişirlər". Amma hər kəs öz həddini bilməlidir. Nəfəs mənim həmkarımdır, amma bax, gör kimə dil uzadırsan. Olmaz! Mən illərlə səhnəyə çıxmasam da, hər zaman varam. Əgər sən belə özünə güvənirdinsə, Günel adlı müğənnilərin səhnədə çox olduğu bir vaxtda öz adından imtina edib başqa adla çıxmazdın", - deyə müğənni əlavə edib.