Aysunun ərindən gözlənilməz paylaşım: “Xəyanətin kölgəsində sevgi solur” - VİDEO

Aysun İsmayılovanın əri, tanınmış vəkil Ramil Vəliyev sosial şəbəkədə paylaşdığı video ilə müzakirələrə səbəb olub.

Publika.az xəbər verir ki, Ramil Vəliyev sosial media hesabından “xəyanətin kölgəsində sevgi solur” adlı mahnının müşayiəti ilə video paylaşıb.

İzləyicilər isə bu paylaşımdan sonra bir sıra iddialar irəli sürərək müğənninin onu aldatdığını, buna görə ayrılıq olduğunu iddia ediblər.

Mahnının sözləri belədir:

"Xəyanətin kölgəsində sevgi solur

Yalanlar əsir edir, ürək dolur

Zamanla bu acı sönər bəlkə,

Amma izi qalır qəlbimizdə

Hər şey dəyişdi,

Bir vaxtlar sevdiyim üz

İndi yad kimi

Sözlərində gizlidir

Xəyanətin izi".

Xatırladaq ki, müğənni Aysun İsmayılova və həyat yoldaşı, bir müddət öncə boşanmağa qərar veriblər. Bu barədə Ramil Vəliyev məlumatı təsdiqləyərək bildirib ki, boşanmanın səbəbi onun kobud və soyuq xarakteridir. O, həmçinin qeyd edib ki, hər iki tərəf nikahın pozulması üçün mediasiyaya müraciət edib.

Aysun İsmayılova isə sosial media hesabında açıqlama yayaraq övladının gələcəyini nəzərə alaraq ailəsi ilə bağlı danışmaq istəmədiyini bildirib və mediadan bu mövzuda suallar ünvanlamamalarını xahiş edib.

Qeyd edək ki, cütlüyün Sevgi adlı bir qızı da var.(Yenisabah.az)