Magazin1

Gülyanaq Məmmədova bu prezidentə mahnı həsr etdi - VİDEO

3 May 2025 11:52

Xalq artisti Gülyanaq Məmmədova “Arkadağlı Sərdarımız” adlı mahnını Türkmənistan Prezidenti Sərdar Berdiməhəmmədova həsr edib.

Publika.az Kult.az-a istinadən xəbər verir ki, mahnının sözləri Bibisara Məmmədovaya, musiqisi isə Yaqut Almaza məxsus olan mahnının klipi Bakı şəhərində çəkilib, montajı isə Türkmənistanda həyata keçirilir.

Ekran işinin rejissoru Azər Sultanov, operatoru Rizvan Hacıyev, PR meneceri Fərəc Məmmədlidir.

Azərbaycanla yanaşı, Orta Asiyada da böyük dinləyici kütləsi olan sənətçi bu günədək 12 dəfə rəsmi dəvətlə Türkmənistana səfər edib. O iki qardaş ölkə arasında mədəni əlaqələrin möhkəmləndirilməsindəki xidmətlərinə görə, “Altın Əsr” mükafatı ilə təltif olunub. Türkmənistan Prezidenti tərəfindən təsis edilən bu nüfuzlu mükafat ədəbiyyat, mədəniyyət və incəsənət sahələrinin inkişafına töhfə verən şəxslərə verilir.

Klip yaxın günlərdə ictimaiyyətə təqdim olunacaq.