Magazin2

87 yaşlı model incə bədənli qızlara irad tutdu - FOTOLAR

17 İyul 2015 00:55

87 yaşlı Dafne Selfe modellik sektorundakı qızlar arasında arıqlığın trend olmasını tənqid edib. Publika.az xəbər verir ki, model duruşun və qamətin daha əhəmiyyətli olduğunu bildirib.

Dünyanın ən yaşlı modeli kimi tanınan 87 yaşlı Dafne Selfe dəbdə olan pəhrizləri və incə bədənli modelləri tənqid edib. Dünyanın müxtəlif markalarının reklam siması olan model pəhriz saxlamağa heç vaxtı da olmadığını deyib. Selfe qeyd edib ki, ideal bədən quruluşuna görə sağlam qidalanmaya və gümrah həyat tərzinə borcludur. Xüsusilə də, bu sektordakı bir çox qızın öyündüyü “ayaqlar arasındakı boşluq” trendindən xoşlanmadığını deyib.

“The Daily Mail”-ə açıqlama verən Selfe "Paltarlar incə bədəndə qətiyyən gözəl görünmür. Yəni, həddindən artıq incə olmağınıza ehtiyac yoxdur. Sadəcə qamətin və duruşun gözəl olması kifayətdir”, - deyə bildirib.

Bu yaxınlarda eynək markasının reklam kampaniyasının üzü olan model eynək taxarkən gözəl görməyin üsullarından da danışıb. Bundan başqa, bəzi insanların yaşlarından dolayı çox bəsit geyim seçməsini, tərzinə əhəmiyyət verməməsini pisləyib.

Fidan