Məşhur müğənninin Azərbaycan sevgisi: “Bakı məni çox təsirləndirdi” - VİDEO

Türkiyədə son zamanların populyar müğənnilərindən olan Cem Belevi “Haber Global” verilişində Azərbaycan sevgisindən danışıb.

Publika.az xəbər verir ki, “Haber Global” ekranlarında Nərmin Balayevanın təqdimatında yayımlanan “Poster Yeni ilə özəl” proqramında qonaq olan Belevi Azərbaycana sonuncu dəfə 5 il əvvəl getdiyini bildirib.

Müğənni paytaxt Bakıdan çox təsirləndiyini qeyd edib:

“Bakı çox fərqli idi. Küçələr məni xüsusilə heyran etdi. Hər yer tər-təmizdir. Bu, məni çox təsirləndirdi. Həmçinin şəhər izdihamlıdır. Lakin bu izdiham nizamlı şəkildədir. Bu da mənə təsir etdi”.

Belevi həmçinim azərbaycanlı bəstəkar Zülfi Bədəlovla həyata keçirdiyi layihələrdən də danışıb:

"Zülfi Bədəlovla tanış olduq. O, çox dəyərli musiqiçidir. Bizi yaxın dostum Yasin Şişman tanıtdı. O, mənə uyğun çox gözəl bir mahnı hazırlayıb. Biz hazırda o mahnını pop konseptində hazırlayırıq. “Zilova” adlı yunan bəstəsi də var. Zilova Yunanıstanda çox məşhur mahnıdır. Onun haqqında mahnı sözləri yazmışam. Hazırladığımız həmin mahnı da yazda yayımlanacaq”.

Roza