Magazin2

Məşhur aktyor atıcılıq kursunda – VİDEO

9 Mart 2016 10:15

Daha çox döyüş filmləri ilə tanınan Kianu Rivz yenidən ekranlara dönəcək.

Publika.az xəbər verir ki, istedadlı aktyor 2017-ci ilin fevral ayında nümayiş olunacaq “Con Wick 2” filminin çəkilişləri üçün hazırlıqlara başlayıb.

Kianu Rivz döyüş səhnələrində rolunun öhdəsindən daha yaxşı gələ bilməsi üçün atıcılıq kursuna yazılıb. Sosial şəbəkədə aktyorun məşq videosu yayılıb. Videoda Rivz atış təlimi zamanı müxtəlif silahlarla yaxın hədəflərə atəş açır.

Xatırladaq ki, sözügedən filmin birinci hissəsi 2014-ci ildə işıq üzü görüb. Film 86 milyon dollar gəlir gətirmişdi. Qərb mətbuatının əldə etdiyi məlumata görə, filmin ikinci hissəsi döyüş səhnələri ilə bol olacaq. Filmdə Rubi Rouz, Rikardo Skamarço, Common və Peter Stormare kimi məşhurlar yer alıb.