Məşhur cütlük boşanma ərəfəsində

Ancelina ilə Bred Pittin ayrılması xəbəri getdikcə öz təsdiqini tapmağa başlayır.

Publika.az xarici mətbuata istinadən xəbər verir ki, cütlüyə yaxın mənbələr onların münasibətlərinin yaxşı olmadığını təsdiqləyib. Coli ilə Bredin ayrı-ayrı səyahət etməsi isə bunu bir daha sübut edir. Məsələn, bir neçə gün əvvəl aktrisa 7 yaşlı oğlu Noks və 14 yaşlı Meddoksla Nyu-Yorkdan Los-Ancelesə gəlib. Bir neçə saat sonra Nyu-Yorkdan həmin hava limanına Bred Pitt gəlib.

Cütlüyün ailəsində nə baş verir?

Qərb mətbuatının yazdığına görə, münaqişənin əsas səbəbi maliyyə ilə bağlı fikir ayrılıqları və gələcəyə dair planlar olub. “Us Weekly” nəşrinin məlumatına görə, Ancelina Fransadakı evi və bağını satmaq istəyib, həyat yoldaşı isə onun bu fikrini dəstəkləməyib. Bu da onların arasında ciddi narazılığa gətirib çıxarıb. Bundan əlavə, Ancelinanın öz ictimai mənfəəti və xeyriyyəçilik fəaliyyəti üçün 30 milyonluq müqavilədən imtina etməsi də ailədə söz-söhbətə səbəb olub. Belə ki, Bred Pitt ailə büdcəsi bundan xeyli zərər çəkəcəyini düşünür.

Məlumat üçün bildirək ki, Ancelina Coli bir neçə gün əvvəl ABŞ Dövlət departamentində çıxış etmişdi. Aktrisanın bu çıxışı onun siyasi fəaliyyəti üçün mühüm addım olub. Yeni məqsədlər Colini Fransadakı üzüm bağlarını satmağa və siyasi karyera yolunda növbəti addımlar üçün Londona köçməyə məcbur edir.

Aytən