Məşhur aktyor kral ailəsinin sevimlisinə çevrildi - FOTO

Hollivudun Oskar mükafatlı kino ulduzu Tom Kruz Britaniya mətbuatının manşetlərini bəzəməkdə davam edir.

Publika.az xarici mıtbuata istinadən xəbər verir ki, aktyor Kembric hersoginyası Keyt Middltonun da qatıldığı Uimbldon yarışında qadınların təkbətək final matçında iştirak edib. Onun kral lojasında əyləşməsi diqqətdən qaçmayıb. İngiltərə mətbuatının yazdığına görə, Tom Kruz bir müddət əvvəl özünü “fəxri ingilis” elan edib və özünü “ingilis kimi” hiss edir.

Kruz keçən ay Kraliça II Yelizavetanın taxta çıxmasının 70 illik platin yubileyi ilə əlaqədar keçirlən mərasimdə də iştirak etmiş, hətta niqt söyləşmişdi. Onun bu çıxışı sosial mediada birmənalı qarşılanmamışdı. Bundan başqa aktyor Britaniya Qran Prisini və ya Hayd Parkdakı Adelin konsertini də dinləməyə gəlmişdi. Bir sözlə, Kruz Böyük Britaniyanın hər yerində təşkil olunan tədbirlərdə görünməyə davam edir. Aktyorun ABŞ-da yox, İngiltərədə bu qədər diqqət mərkəzində olması suallar doğurub.

Ən maraqlısı odur ki, Tom Kruzun şahzadə Uilyam və Kembric hersoginyası Keyt Middlytonla yeni və isti dostluq münasibətləri qurduğu deyilir. Bu məqamda xatırlatmaq lazımdır ki, Tom Kruz “Top: Gun Maverick” filminin premyerasında Uilyam və Keyti ​​qonaq etmişdi. Hətta hersoginyanın əlindən tutaraq pilləkənləri qalxmasına yardım göstərmişdi. Bu görüntülər mətbuatda müzakirələrə səbəb olmuş, Britaniya kral ailəsinin başqa insanlarla əlaqə saxlamamaq qaydasını bu şəkildə pozması bəzi dairələr tərəfindən tənqid edilmişdi.

Məlumat üçün bildirək ki, aktyorun Nikol Kidmanla evliliyi dövründə övladlığa götürdükləri qızları Bella həyat yoldaşı ilə İngiltərədə yaşayır.