Keyt Middltonun gözünün içinə baxaraq nələri dedi?

2011-ci ildə şahzadə Uilyam ilə evlənən Keyt Middlton xoşagəlməyən hadisə ilə qarşılaşıb.

Publika.az xarici mətbuata istinadən xəbər verir ki, ötən gün əri Şahzadə Uilyam ilə Şimali İrlandiyanın paytaxtı Belfasta səfərləri zamanı yerli bir qadın Uelsin yeni şahzadəsi Keytin əlini sıxaraq və gözlərinin içinə baxaraq etiraz edib.

Keyt yerli sakinlərlə görüşərkən öndə dayanan yaşıl paltolu qadın birinci ona əl uzadıb. Bir tərəfdən Keytin əlini uzun müddət sıxan, digər tərəfdən də mobil telefonu ilə həmin anları lentə alan qadın gözlənilməz sözlər işlədib. O, gülümsəyən Keytə "Tanış olduğum üçün çox xoş oldum. Amma İngiltərədə, öz ölkənizdə olsanız, daha yaxşı olardı. İrlandiya irlandlara məxsusdur" deyib. Uels şahzadəsi buna baxmayaraq, gülümsəməyə davam edib. O, qadına heç bir reaksiya vermədən onunla əl sıxmaq istəyən başqa bir şəxsə əl uzadıb.

Sosial şəbəkələrdə yayılan bu görüntülərə xüsusən Böyük Britaniyadan saysız iradlar bildirilib. İstifadəçilər qadının hersoginiyaya qarşı hörmətsizlik etdiyini yazaraq onun bu hərəkətini kəskin pisləyiblər.

Məlumat üçün bildirək ki, Böyük Britaniya ilə İrlandiya arasında uzun illərdir ciddi problemlər var. Şimali İrlandiya Problemi adlanan bu dövr 1960-cı illərdə başlamış və 1998-ci il Belfast razılaşmasına qədər davam edib. Amma problemin tam başa çatdığını demək olmaz.