Qardaşından Kadir Doğulu və Neslihan haqqında ŞOK SÖZLƏR - FOTO

Həyat yoldaşı Neslihan Atagülə xəyənət iddiaları ilə son günlərdə gündəmdən düşməyən aktyor Kadir Doğulunun bu dəfə qardaşı, stilist Kamal Doğulu sensasion açıqlamalar verib.

Publika.az Türkiyə mediasına istinadən xəbər verir ki, Nilhan Atsünün ötən gün təbiətə və canlılara hörmət mövzusunda saç və makiyaj dəfiləsi baş tutub. Bir çox məşhurların qatıldığı dəfilədə tanınmış stilist və Dj Kamal Doğulu da iştirak edib. Gecənin sonunda səhnəyə çıxan Kamal Doğulu mahnılar səsləndirib. Nümayişdən sonra mətbuat mənsublarının suallarını cavablandıran Kamal Doğulu gənclərə dəstək olduğunu bildirib.

"Gəncliyin həyəcanını çox yaxşı anlayıram. 8 yaşımdan işləyirəm. Mən 35 ildir saç ustasıyam. Onların işinə dəstək olmaq üçün gəlmişəm. Qışda yeni brendimi çıxaracağam. Uzun müddətdir ki, üzərində hazırlaşıram. Çox iddialıyam. Hər kəsin əlinin çata biləcəyi geyimlər olacaq. Kişi və qadın geyimlərimi sənətçi dostlarımdan kimə göstərmişəmsə, çox bəyənib", - stilist qeyd edib.

Onun jurnalistlərin "Qardaşınız üçün də geyim hazırlayacaqsınız" sualına verdiyi cavab isə hər kəs üçün şok olub:

"Neslihan geyinə bilər. Kadir kimdir, mənim bioloji qardaşım olan şəxs? Siz nə bilirsinizsə, mən də onu bilirəm".