Magazin2

Kuinsi Cons öldü

4 Noyabr 2024 14:54

Amerikalı bəstəkar, aranjimançı və prodüser Kuinsi Cons 92 yaşında vəfat edib.

Publika.az xəbər verir ki, sənətçinin nümayəndələri mətbuata bildiriblər ki, o, noyabrın 3-ü axşam saatlarında Los-Ancelesdəki evində yaxınlarının əhatəsində dünyasını dəyişib.

Consun ailəsi açıqlamasında bildirib ki, bərpası mümkün olmayan itkiyə baxmayaraq, musiqiçini tanıyanlar onun qeyri-adi həyatını şərəfləndirirlər.

1950-ci illərdə Cons “Dizzy Gillespie”da trubaçı və qrup rəhbəri kimi çıxış edib, daha sonra öz qrupunu yaradıb. 1960-cı illərin ortalarında “Mercury Records”un vitse-prezidenti təyin edilib və filmlər üçün musiqi yazmağa başlayıb.

Kuinsi tarixin ən çox satılan albomu olan Maykl Ceksonun “Thriller” albomunun prodüserliyini edib. Karyerası ərzində o, 27 “Qremmi” heykəlciyi alıb və ümumilikdə 79 dəfə namizəd olub.

Tural