Məşhur reper Rusiyadan görün neçə milyon dollar tələb etdi

Amerikalı məşhur reper Snoop Doqq ən azı 2 milyon dollar (3 milyon 400 min AZN) müqabilində Rusiyada konsert verməyə hazırdır.

Publika.az xəbər verir ki, bu barədə "Baza" "Telegram" kanalı məlumat yayıb.

Bildirilir ki, konsertin əsas şərtləri sırasına foto və video çəkilişlərə tam qadağa qoyulması, eləcə də bütün iştirakçılar tərəfindən məlumatın açıqlanmaması haqqında müqavilənin imzalanması daxildir.

Reperin prodüseri onu da qeyd edib ki, təşkilatçı yüksək səviyyəli şəxsi təyyarə ilə uçuş və beşulduzlu oteldə yerləşmə xərclərini də ödəməlidir. Müğənninin menyusuna qızardılmış toyuq və manqal yeməkləri, italyan yeməkləri, Meksika delikatesləri, bifteklər, balıq daxil olmalıdır. Bundan əlavə, soyunma otağında idman oyunları kolleksiyası olan "PlayStation 1" və böyük ekran, dörd joystik olmalıdır. Közərmə lampaları da məcburidir.

"Çerlidinqlər qrupunun ən azı 12 nəfər üçün nəzərdə tutulmuş duşu və tualeti olan ayrıca, kilidlənə bilən soyunma otağı olmalıdır", - postda vurğulanır.

Qeyd edək ki, Snoop Doqqun təhlükəsizlik tələblərinə eyni köynək geyinmiş 11 ingilis dilli mühafizəçi daxildir.

Adəm