Ailəsi tərk etdi, həyatı dəyişdi: Dünya 20 yaşlı bu fenomendən danışır - FOTOLAR

20 yaşlı fenomen Fan Zihe qeyri-adi həyat hekayəsi ilə həm Çində, həm də Pakistanda milyonlarla insanın ürəyini fəth edib.

Publika.az xəbər verir ki, “South China Morning Post” qəzetinin yazdığına görə, Pakistanda körpə ikən karton qutuda tərk edilən Fan illər sonra Çində sosial media ulduzuna çevrilib və bu yaxınlarda pərəstişkarlarından biri ilə ailə həyatı qurub.

Pakistanda işləyərkən uşaq sahibi ola bilməyən çinli cütlüyün onu övladlığa götürməsi ilə Fan Zihenin taleyi dəyişib. Henan əyalətində böyüyən Fan, illər sonra bir video ilə həyatında dönüş nöqtəsi yaşayıb.

2023-cü ilin sonunda onun təsadüfən əriştə yediyi video Henan ləhçəsi sayəsində sürətlə viral olub. O vaxtdan bəri Fanın izləyicilərinin sayı sürətlə artaraq 1,8 milyonu keçib.

Sadə həyat tərzi ilə seçilən gənc sosial media hesablarında tez-tez kənd həyatı ilə bağlı hekayələr paylaşmağa başlayıb. Yetişdirdikləri məhsullları tanıtmaqla həm ailəsinə dəstək olub, həm də yerli iqtisadiyyata töhfə verib. Bu səbəbdən Fanın çinli pərəstişkarları onu “nağıl şahzadəsi” və ya “Henan şahzadəsi” adlandırıblar.

Daha sonra o, həyatının sevgisi ilə tanış olub. Lyu Xiaoshuai adlı çinli gənc qadının qətiyyəti və səmimiyyəti qarşısında valeh olub. Onlar sosial mediadan tanış olaraq aralarında güclü bir bağın təməlini qoyublar.

Üç ildir birlikdə olan cütlük sentyabrın 17-də evlənib. İzləyiciləri ikilinin toy mərasimindən olan görüntülərə “Əsl nağıl şahzadəsi” kimi şərhlər yazıblar.

Roza