Magazin2

Diddiyə qarşı yeni ittiham: Onu ölümlə hədələyib

25 Sentyabr 2025 16:52

Seksual zorakılıq və insan alverində ittiham olunan amerikalı reper və prodüser P. Diddiyə (Şon Kombs - red.) qarşı iki yeni iddia qaldırılıb.

Publika.az xəbər verir ki, “NBC News”un məlumatına görə, reperin keçmiş dizayneri Deonte Naş məhkəməyə müraciət edərək ona qarşı “seksual, fiziki və psixoloji zorakılıq” daxil olmaqla 11 maddə üzrə şikayət qaldırıb.

Naş iddiasında bildirib ki, Diddi ona 10 il ərzində cinsi, fiziki və psixoloji zorakılıq edib, dəfələrlə ölümlə hədələyib. O, 2018-ci ildə reperlə əməkdaşlığı dayandırdığını, lakin təzyiqlərin davam etdiyini vurğulayıb.

Qeyd edək ki, “Diddi” ləqəbli Şon Kombs 2024-cü il sentyabrın 16-da “seks alveri, məcburi əmək, adam oğurluğu, narkotik maddələrin istifadəsi və rüşvətxorluq” kimi çoxsaylı ittihamlarla həbs edilib.

Roza