Övladları "kişilərin siyahısı"nı tutub: Kardaşyan hansını seçəcək?

Kim Kardaşyan “The Tonight Show With Jimmy Fallon” ("Cimmi Fallonla gecə şousu") verilişinə çıxıb.

Publika.az xəbər verir ki, verilişdə maraqlı anlar yaşanıb.

"Aparıcı ona "yenə kişilərlə görüşürsən?", - deyə sual verib.

44 yaşlı realiti-şou ulduzu etiraf edib ki, övladları onun üçün potensial namizədlərin, yəni kişilərin siyahısının tutublar.

"Bəli, hələ də siyahı tuturlar" Kim deyib, amma siyahıda olan adları açıqlamaqdan imtina edib.

Cimminin "Deməli, kimləsə görüşürsən?" sualına Kardaşyanın cavabı qısa və birbaşa olub: “Xeyr!”.

Qeyd edək ki, Kardaşyanın Kanye Uestdən boşanmasından 4 il keçir. Ulduz hazırda dörd uşaq böyüdür.

Qeyd edək ki, Kim Kardaşyanın daha əvvəl komediya ustası Pit Devidson və futbolçu Odell Bekhem Jr ilə adı çıxmışdı. Bu ilin əvvəlində "The Kardashians" realiti-şousunda Kardaşyan, nəhayət "gizli romantikası" olduğuna işarə edib.

"Subay olmaq istədiyimi dedim, amma düzünü desəm, yalan danışdım. Sevgi və diqqət - bu, mütləq mənəm", - deyə Kardaşyan yalanının üstünü açıb.

İnsayderlər daha əvvəl bildiriblər ki, Kardaşyanın həqiqətən də 2024-cü ilin sonunda yeni sevgilisi olub, lakin o, bunu gizli saxlamağa çalışıb.

Adəm