Magazin2

Narkotikə görə saxlanılan İrem Derici: Məgər mən axmağam?

9 Oktyabr 2025 03:18

Türkiyədə narkotik maddə istifadəsi iddiası ilə başladılan istintaq çərçivəsində saxlanılan və daha sonra sərbəst buraxılan müğənni İrem Derici mətbuat konfransı keçirib.

Publika.az xəbər verir ki, müğənni barəsindəki ittihamları rədd edib.

O, saç və qan nümunələrinin alındığını, lakin hər ehtimala qarşı başqa bir xəstəxanada da bu nümunələri verəcəyini diqqətə çatdırıb.

"Məgər mən karyerarımı narkotik bəlası ilə riskə atacaq qədər axmağam? Bu karyera üçün çox zəhmət çəkmişəm. Canımı küçədə tapmamışam. Lazım gələrsə, o təmiz nəticələri məhəllə-məhəllə gəzib sizinlə paylaşacağam", - İrem Derici vurğulayıb.

Xatırladaq ki, İrem Derici ilə yanaşı, aralarında Hadisenin də olduğu 19 nəfər saxlanılmışdı. İfadələri alındıqdan və müəyyən prosedurlardan sonra onların hamısı azadlığa buraxılıb.