Magazin2

Görkəminə ildə 1 milyon xərcləyir: Görün Kardaşyan hansı məhsulun qiymətini bilmir - FOTOLAR

16 Oktyabr 2025 14:20

Kim Kardaşyan səmimi etirafları ilə pərəstişkarlarını təəccübləndirib. O etiraf edib ki, hər il şəxsi baxım üçün bir milyon dollara qədər pul xərcləyir, lakin adi südün qiymətini bilmir.

Publika.az xəbər verir ki, 44 yaşlı realiti-şou ulduzu bu barədə Aleks Kuperlə "Call Her Daddy" podkastında danışıb. O, burada gözəllik sirləri və kameralar qarşısındakı həyatından söhbət açıb.

"Bu məbləğ həddindən artıq çoxdur. Amma çalışıram ki, hər şeyin pulunu özüm ödəməyim. Əgər şouda çəkilirəmsə və ya işləyirəmsə, prodüserlər bütün xərcləri öz üzərinə götürürlər. İşləri elə qururam ki, özümün ödəməyimə ehtiyac qalmasın", - deyə Kim etiraf edib.

Qeyd edək ki, "Forbes"ə görə, Kardaşyanın sərvəti 1,7 milyard dollar qiymətləndirilir. Lakin o, gündəlik tələbat mallarının qiymətlərindən xəbərsiz olduğunu bildirib:

"Düzünü desəm, bir qutu südün belə neçəyə olduğunu bilmirəm. Bunu öyrənmək istərdim".

Adəm