Magazin2

İbrahim Tatlısəsin inanılmaz sərvəti

16 Oktyabr 2025 13:06

Türkiyənin məşhur müğənnisi, "İmperator" ləqəbli İbrahim Tatlısəs bu dəfə sənətindən çox möhtəşəm sərvəti ilə müzakirə mövzusuna çevrilib.

Publika.az milli.az-a istinadən xəbər verir ki, yerli KİV-lərin məlumatına görə, Tatlısəsin ölkənin müxtəlif bölgələrinə səpələnmiş mülkləri, hotelləri, restoran zəncirləri və media yatırımları onun yalnız səhnədə deyil, biznes dünyasında da güclü mövqeyə sahib olduğunu göstərir.

Məlumata əsasən, sənətçiyə Seyrantəpədə kabab salonu, TV binası, "Tatlısəs Şirkətlər Qrupu" ofisi və geyim markasına aid atelye, həmçinin Sarıyerdə villa, Bodrumda "Tatlısəs Paradise" hotelləri, Kuşadasında 157 otaqlı "Tatlısəs" hotel və Şanlıurfada torpaq sahələri məxsusdur.

Bundan başqa, beş kabab salonu, bir neçə televiziya kanalı və lüks avtomobil kolleksiyası da İbrahim Tatlısəsin sərvətinə daxildir.

"İmperator" həm sənətdə, həm də biznesdə adını qızıl hərflərlə yazdırmağa davam edir.