Keçmiş əri Lopeslə bağlı şok faktları açıqladı: Saysız-hesabsız xəyanətlər

Cennifer Lopes keçmiş sevgililərinin "sevgisizliyini" müzakirə edərkən, onun birinci əri Ohani Noa öz versiyasını təqdim etmək qərarına gəlib.

Publika.az xəbər verir ki, 1997-1998-ci illərdə Lopeslə evli olan 51 yaşlı fitnes məşqçisi və prodüser “İnstaqram”da keçmiş həyat yoldaşına emosional mesaj yazıb:

"Qurban rolunu oynamağı və bizi yerə çırpmağı dayandırın. Problem məndə deyil, bizdə deyil, problem sizdədir".

Noanın sözlərinə görə, onların birliyini pozan müğənni olub, “ailədən çox şöhrət və pulu” seçib.

"Özünü idarə edə bilmədin. Çoxlu "sevgi" yaşamısan - dörd evlilik və bunların aralarında saysız-hesabsız münasibətlər. Amma sizin də yaxşı münasibətləriniz olub. Məsələn, mənimlə", - o yazıb.

Keçmiş əri Lopesə görə işini və ailəsini tərk etdiyini və onun Hollivud karyerasını dəstəkləmək üçün başqa ştata köçdüyünü iddia edir. "Mən dürüst, sadiq idim, heç vaxt yalan danışmadım və aldatmadım. Mən sizin üçün çox yaxşı bir insan idim", - Noa yazıb.

O, müğənninin öz təbirincə desək, “yalan danışıb aldatmasına” baxmayaraq, nikahı xilas etməyə çalışdığını əlavə edib.

"Bir dəfə həqiqəti deyin. İnsanlar bilməlidirlər ki, əsl problem kimdir. Siz utanmalısınız".

Publika.az