Məşhur bəstəkar otel otağında ÖLÜ TAPILDI - FOTO
Bizi izləyin

Magazin2

Məşhur bəstəkar otel otağında ÖLÜ TAPILDI - FOTO

Məşhur bəstəkar otel otağında ÖLÜ TAPILDI - FOTO

Rumın mədəniyyəti əvəzolunmaz itki ilə üzləşib.

Publika.az xəbər verir ki, bu barədə News.ro nəşri məlumat yayıb.

Bildirilib ki, ölkənin milli caz məktəbinin banisi kimi qəbul olunan tanınmış bəstəkar və pianoçu Mirça Tiberian 71 yaşında vəfat edib.

İncəsənət ustası Qalaç şəhərindəki otel otağında axşam konsertindən dərhal sonra dünyasını dəyişib. Səhər yeməyində iştirak etmədiyinə görə narahat olan həmkarları onun cansız bədənini aşkar ediblər.

Ölüm səbəbi ilə bağlı məlumat hələ açıqlanmayıb.

Tiberian musiqi təhsilində dərin iz qoyub. O, Buxarest Milli Musiqi Universitetində caz kafedrasının qurucusu və professoru olub, bu vəzifəni 1991-ci ildən etibarən icra edirdi. Musiqiçinin yaradıcılıq irsi Rumıniya Bəstəkarlar İttifaqının dörd mükafatı və Rumıniyada üç "İlin musiqiçisi" adı ilə tanınıb.

Tiberian son studiya işi 2008-ci ildə təqdim olunan “Ulis” albomu olub.

Hüseyn İbadlı

Photo
Oxumağa davam et
Reklam
Reklam

Gündəm

Zəfaran Hospital
Səba