Magazin2

“Uzak Şehir” serialında qalmaqal: Bu səhnə təsadüfən çəkilib? - FOTOLAR

24 Oktyabr 2025 11:06

“Kanal D”də yayımlanan “Uzak Şehir” serialı yenidən tənqid obyektinə çevrilib.

Publika.az xəbər verir ki, Sədaqət adlı obrazın Fələstin bayrağı rənglərinə malik paltarı fırladaraq “Rədd olub gedəcək buradan” deməsi sosial mediada geniş müzakirələrə səbəb olub.

İzləyicilər bu səhnənin təsadüfi ola bilməyəcəyini bildirib və serialı tənqid ediblər.

“Artıq hər şey simvolikdir. “Uzak Şehir” serialında fırladılan paltar rəngləri Fələstin bayrağının rənglərini təmsil etmək üçün diqqətlə seçilib. Bu, təsadüf ola bilməz”, - yazıçı Ebrar Akbulut qeyd edib.

Sosial media istifadəçilərindən biri isə bildirib: “Setdə paltarların hansı rəng tonunda olacağına diqqət yetirilir. Fələstin bayrağının rəngləri bilə-bilə seçilib. Bundan sonra “Uzak Şehir” serialı boykot edilməlidir”.

Daha əvvəl serial “Coca-Cola” reklamına görə də tənqid edilmişdi.