Magazin2

Entoni Hopkins ruhi xəstəlikdən əziyyət çəkir? - Həyat yoldaşı şübhələndi və...

4 Noyabr 2025 07:35

Dünya şöhrətli aktyor Entoni Hopkinsin həyat yoldaşı Stella Arroyave aktyorun Asperger sindromundan (autizm spektr pozuntusunun bir növü) əziyyət çəkdiyindən şübhələnir.

Publika.az xəbər verir ki, bunu 87 yaşlı aktyor özü "The Sunday Times" qəzetinə verdiyi müsahibədə açıqlayıb.

"Mən rəqəmlərə aludə olmuşam. Detallara aludə olmuşam. Hər şeyin qaydasında olmasını sevirəm. Və hər şeyi xatırlamağı sevirəm. Stella buna görə də dedi: "Səndə Asperger sindromu ola bilər".

Hopkins bu fikri rədd edib və ruhi xəstəliklərlə bağlı diaqnozlara da şübhəli yanaşdığını söyləyib:

"ADHD (Diqqət çatışmazlığı və hiperaktivlik pozuntusu - red), OKB (Obsesif-kompulsif pozğunluq - red.), Asperger sindromu, bla-bla-bla. Aman Allahım, yaşamağın mənası budur. İnsan olmaq dolaşıq hisslər, sirrlər və sair ilə dolu olmaq deməkdir. Bütün bu etiketlər kimin vecinədir? Amma indi onlar dəbdədir", - Hopkins bildirib.

Ləman