Angelina Colinin Ukraynada saxlanılan sürücüsündən xəbər var

Hollivud ulduzu Ancelina Colinin kortejindəki sürücülərdən biri olan Dmitri Pişçikov Ukrayna ordusuna cəlb olunduğunu təsdiqləyib.

Publika.az xəbər verir ki, o, bu barədə "TSN" televiziya kanalına açıqlama verib.

Pişçikovun sözlərinə görə, o, yoxlama məntəqəsində saxlanılıb və hərbi tibbi komissiyanın son tibbi rəyi də daxil olmaqla bütün sənədləri qaydasında olsa da, "təfərrüatları dəqiqləşdirmək üçün" hərbi komissarlığa getməsi istənilib.

"Plan belədir: təlimi başa vurmaq və orduda xidmət etmək", - deyə o bildirib.

Sürücü özünü yaxşı hiss etdiyini, lakin hərbi komissarlıq zabitlərinin yoxlama məntəqəsində və həbsdən sonrakı hərəkətlərindən qəzəbləndiyini qeyd edib.

Qeyd edək ki, Ancelina Coli bir neçə gün öncə Ukraynanın Xerson şəhərinə səfər edib. Səfər zamanı kortejdəki nəqliyyat vasitələrindən birinin sürücüsü Dmitri Pişçikov şəxsiyyətini təsdiq edən sənədləri olmadığı üçün hərbi komissarlıq əməkdaşları tərəfindən saxlanılıb. Pişçikov çağırışçı statusunu müəyyən etmək üçün hərbi komissarlığa aparılıb. Ukrayna Silahlı Qüvvələrinin açıqlamasında bildirilib ki, araşdırma zamanı onun ehtiyatda olan zabit olduğu və səfərbərlikdən möhlət üçün təsdiq edilmiş əsası olmadığı üzə çıxıb.

Ancelina Colinin xahişinə baxmayaraq sürücü azad edilməyib.

Dmitri Pişçikovun dəfələrlə Ukrayna Silahlı Qüvvələrinə ianə göndərdiyi və hətta avtomobilini orduya bağışladığı bildirilir.

Ləman