Magazin2

Şoumenin peyğəmbərlə bağlı zarafatı aranı qatdı - İşə prezidentin müşaviri qarışdı

18 Noyabr 2025 12:33

Türkiyəli məşhur şoumen Hasan Can Kayanın iki il əvvəl "Konuşanlar" verilişində İsa peyğəmbərlə bağlı etdiyi zarafat sosial mediada yenidən gündəmə gəlib.

Publika.az xəbər verir ki, bu, izləyicilər arasında narazılığa səbəb olub və məsələ böyüyüb.

Mövzuya prezidentin baş müşaviri Oktay Saral da münasibət bildirib. O paylaşımında Hasanın ifadələrini tənqid edib və bunun dini dəyərlərə hörmətsizlik kimi qəbul oluna biləcəyini vurğulayıb.

Artan tənqidlərdən sonra Hasan Can Kaya açıqlama yayaraq üzr istəyib. O zarafatının heç bir inanca və ya müqəddəs dəyərə qarşı olmayığını deyib və yaranan narazılığın onu məyus etdiyini bildirib. O, gələcəkdə bu cür anlaşılmazlıqların olmaması üçün daha diqqətli olacağını qeyd edib. (milli.az)