“Avroviziya”da çıxış edən əkizlər birlikdə İNTİHAR ETDİ - FOTO

Məşhur alman əkizlər - Alisa və Ellen Kessler 89 yaşında dünyasını dəyişiblər.

Publika.az BILD-ə istinadən xəbər verir ki, əfsanəvi sənətçilər Qrünvalddakı evlərində birlikdə intihar ediblər.

Qeyd olunur ki, bir-birindən ayrılmayan bacılar öləndə də bir-birlərinə sadiq qalıblar. 2024-cü ilin aprelində əkizlər vəsiyyət ediblər ki, sevimli anaları Elza və itləri Yellonun külü ilə birlikdə tək qabda basdırılsınlar.

Məlumata görə, polislər məşhur əkizlərin evinə gəlib və bacıların ölümünü təsdiqləyiblər.

Qeyd edək ki, Alisa və Ellen Kessler 60 ildən çox səhnədə çıxış edərək, səhnəni Frank Sinatra, Fred Aster və Harri Belafonte kimi sənətçilərlə bölüşüblər. Onlar 17 albom yazdırıblar və çoxsaylı filmlərdə, o cümlədən "Lüksemburq qrafı" (1957), "Maritza" (1958) və "İşğalçılar" (1961) kimi filmlərdə çəkiliblər.

Xatırladaq ki, əkizlər çoxsaylı mükafatlara, o cümlədən 2025-ci ildə aldıqları "Qızıl Montrö" qızılgülü, "Federal Xidmət Xaçı" və "Bavariya Fəxri Ordeni"nə layiq görülüblər. Onların doğma şəhəri Nerxau alman mədəniyyətinə verdikləri böyük töhfələri qiymətləndirərək onları fəxri vətəndaş elan edib.

Onu da əlavə edək ki, 1959-cu ildə əkizlər Almaniyanı “Avroviziya” Mahnı Müsabiqəsində təmsil edərək səkkizinci yeri tutublar.

Adəm